Forsíða

Innritun í framhaldsskóla á haustönn 2016.

Forinnritun nemenda í 10. bekk (sem fæddir eru 2000 eða síðar) hefst föstudaginn 4. mars og lýkur sunnudaginn 10. apríl. Nemendur fá bréf frá Menntamálastofnun með veflykli sem gengur að innritunarvef og leiðbeiningum afhent í grunnskólunum í lok febrúar. Foreldrar/forráðamenn nemenda fá bréf í pósti frá Menntamálastofnun með upplýsingum um innritunina. Nemendur í 10. bekk eru eindregið hvattir til að taka þátt í forinnrituninni.

Innritun á starfsbrautir fyrir fatlaða mun standa yfir 1. til 29. febrúar Rafræn innritun á starfsbrautir fyrir fatlaða stendur yfir dagana 1. til 29. febrúar. Tímamörk almennrar innritunar gilda þó fyrir umsóknir sem berast eftir þann tíma. Stefnt er að afgreiðslu allra umsókna á starfsbrautir fyrir lok apríl.

Lista yfir skóla sem bjóða upp á starfsbrautir fyrir fatlaða er að finna undir flipanum „upplýsingar“ hér til hliðar.

Innritun annarra en 10. bekkinga mun standa yfir 4. apríl til 31. maí Innritun eldri nemenda (sem fæddir eru 1999 eða fyrr), sem ekki eru í framhaldsskóla sem stendur eða ætla að skipta um skóla, hefst mánudaginn 4. apríl og lýkur þriðjudaginn 31. maí. Umsækjendur 17 ára og eldri nota auðkenni frá www.island.is eða rafræn skilríki á greiðslukorti. Ef sótt er um Íslykil á netinu er hægt að velja um að fá hann sendan á lögheimili, sem tekur 2-5 virka daga eða í netbanka, sem skilar sér samdægurs (undir „rafræn skjöl“). Rafræn persónuskilríki er hægt að sækja um hjá viðskiptabanka.

Lokainnritun nemenda í 10. bekk verður 4. maí til 10. júní Nemendur í 10. bekk hafa frest til sækja um nám í framhaldsskóla eða breyta umsóknum úr forinnritun til miðnættis föstudaginn 10. júní. Einkunnir þeirra verða sendar rafrænt frá grunnskólum til framhaldsskóla eftir skólaslit.

Fjar- og dreifnám og nám í kvöldskóla Innritun í fjar- og dreifnám og í kvöldskóla fer fram samkvæmt fyrirkomulagi sem einstakir framhaldsskólar auglýsa.

Allar nánari upplýsingar eru veittar í síma 514 7500 eða með því að senda tölvupóst á netfangið innritun@mms.is